Shkolla 8-vjecare "P.N. Luarasi"

Me ndihmën e Koto Hoxhit, Petro Nini Luarasi, hapi shkollën e parë shqipe në Luaras, në shtëpinë e tij në vitin 1887, duke u dhënë mësim fëmijëve të fshatrave të krahinës. Është fat për luarasllinjtë që shkrimin e shkronjave shqipe e mësuan atëhere kur gjuha shqipe ishte e ndaluar. Kolosët e arsimit, Petro Nini Luarasi dhe Guri Sevo, u diktuan fshatarëve të tyre të mësonin e shkruanin me shkronja që u vendosën në Kongresin e Manastirit. E para shkollë shtetërore në Luaras u hap në vitin 1920 me mësues Ndrio Filen, është hapur në një dhomë në shtëpinë e Iliut dhe Vankës, prindërit e akademikut të sotëm, Profesor Doktor Aleks Luarasi, ndërsa klasa e pestë e shkollës parë 8-vjeçare u çel në një dhomë të shtëpisë së Llazi Mihos, në Kostallarë. Më andej u ngrit shkolla dy-katëshe në lagjen Gurake. Në vitin1950 u çel shkolla e parë 7 vjeçare me drejtor Gjini Rrapo Luarasi, “Mësues i Popullit”, që ka luftuar dhe kundër korofillakëve grekë. E pasuan si drejtor Andrea Miho e Kadri Liço. Sot, përgjegjës shkolle është Nazmi Liço nga dinasti mësuesish, me gruan dhe tre vajzat. Krahas dashurisë për shkollën këtu është luftuar dhe me armë për atdheun.
28.09.2019 nga Diamila Leka