Cruceiro de San Lázaro

O lugar de orixe deste valioso exemplar foi o chamado de San Lois, preto da capela e cemiterio de San Lázaro, hoxe rúa do mesmo nome. Pertenceu á leprosaría de San Lázaro, Requeixo, e no ano 1964, coincidindo co Ano Santo e a ruta fluvial do Ulla, foi trasladado a este barrio do Cantillo, moi preto da ponte, en plena ruta xacobea. Sobre unha base moderna elévase un fuste elegante e decorado. As súas tres cuartas parte superiores son de sección octogonal e conteñen numerosas figuras entre as que se distinguen santos e peregrinos, ferramentas como tenaces e martelos que identifícanse como símbolos da Paixón. O capitel é alto, bastante máis do normal, e contén cabezas orladas na parte inferior e volutas na superior. A súa forma case cilíndrica e de dimensións iguais ás que dan inicio á cruz, son unha proba clara da súa apreciable antigüidade. A cruz é de gran tamaño, a altura supera a metade do fuste e está traballada con gusto e mestría, como todo o conxunto. O Cristo, que olla ó río, máis parece colocado que pendurado da cruz e inclina a cabeza sobre o ombro dereito. Detrás hai unha Piedade, Nai co fillo morto en brazos. A tradición di que os leprosos reuníanse ó pé do cruceiro estendéndose os actos litúrxicos da capela de San Lázaro ata alí e deixando os devotos esmolas. Ata o seu traslado ó cemiterio de San Xián tiña o clásico farol de aceite que era atendido por unha familia de apelido Lusquiños.

Entrando a Padrón por el Camino Portugués. Me encantó!!!

Nice 14th Century stone cross & rest area on the Camino de Santiago just before Pontecesures.