Cova Eirós (Triacastela)

Declarada Ben de Interese Cultural (BIC) pola Xunta de Galicia en 2019, coa categoría de xacemento arqueolóxico, o valor de Cova Eirós abarca moitos ámbitos científicos, desde o histórico ata o antropolóxico, biolóxico ou artístico. Ademais, é a única cova da que se coñece a ocupación continuada do Homo Sapiens e o Homo de Neanderthal. Estes rastros, xunto ás mostras de arte rupestre, que tamén son as máis antigas achadas en Galicia, supoñen unha mostra histórica das orixes da humanidade. Todo meu recoñecemento e parabéns para os directores da escavación arqueolóxica, Arturo de Lombera e Xosé Pedro Rodríguez, que tiven o gusto de coñecer a pé de obra, e admiración polas voluntarias do Departamento de Historia da USC que dedicaron tempo e esforzo ao longo de varios anos para facer posible a fazaña.