Igrexa de San Miguel de Carballedo

Igrexa parroquial de Carballedo, do municipio de Cerdedo-Cotobade e diocese de Santiago de Compostela. San Miguel de Carballedo é unha igrexa tardo barroca de planta de cruz latina con cuberta a catro augas. A súa fachada é moi elegante debido á torre central do campanario de dous corpos separados por balaustrada, enmarcada por altos pináculos. A portada é sinxela, cun arco con lintel e moldura convexa. Enriba da porta un San Miguel de pedra pisando e vencendo ao mesmo demo. O adro está pechado por un muro de cantería, con pináculos nas zonas de acceso. Fóra do recinto atopamos un fermoso cruceiro moi traballado construído en 1860 polo mestre Manuel González Perdiz, nacido en Covelo, A Lama, como así o pon na súa base. Este magnífico canteiro é tamén o autor do cruceiro de Xende e do calvario de Castro Barbudo. A 850 m. da igrexa atópase a capela de San Roque, de planta basilical con porta alintelada enmarcada por pilastras caixeadas e arco de medio punto con tímpano. Enriba, dúas fiestras de medio punto e óculo central. Ó redor, oito contrafortes con fiestras de medio punto en cada tramo.

Iglesia preciosa de piedra, se puede entrar dentro y subir hasta el último piso donde las vistas del pueblo son espectaculares.

Preciosa

Precioso templo